БИШКЕК, 1-июль — Sputnik. Кусеин Карасаев атындагы Бишкек гуманитардык университетинин проректору пара алып жаткан жеринен Коррупцияга каршы күрөшүү кызматы тарабынан кармалды.
Маалыматка ылайык, проректор буга чейин Билим берүү жана илим министринин орун басарлыгын аркалаган.
Кармалган кызматкер жарандан диплом ишин коргоо маселеси ийгиликтүү чечилиши үчүн 300 доллар өлчөмүндө каражат талап кылган.
Үстүбүздөгү жылдын 30-июнунда ыкчам-иликтөө иш-чаралардын жүрүшүндө проректор 300 доллар алып жаткан жеринен кармалды.
Тергөө башкармалыгы тарабынан Кылмыш жаза кодексинин 313-беренеси (Пара талап кылуу) боюнча кылмыш иши козголуп, иликтөө иштери жүрүп жатат.
