БИШКЕК, 1-июль — Sputnik. Улуттук илимдер академиясынын сейсмология институтунун маалыматына ылайык, 1-июлда түнкү саат 1.44тө күчү 5 баллга жеткен жер титирөө катталган.
Маалыматка ылайык, жер титирөөнүн очогу Нура айылынан 27 чакырым түштүк-батышта, Бор-Дөбө айылынан 30 чакырым түштүк-чыгышта орун алып, Кыргызстан менен Тажикстандын чек арасындагы Алай тоо кыркаларында катталган.
Жердин силкинүү күчү Нура айылында 4, Бор-Дөбө жана Эркештам айылдарында 3,5 баллга жеткен.
Алдын ала маалыматтар боюнча, жабыр тарткандар жок.
