БИШКЕК, 29-июнь — Sputnik. Колониядан качып чыгып, куралдуу каршылык көрсөткөн казак жарандары кармала электигин УКМКнын маалымат катчысы Рахат Сулайманов билдирди.
"Издөө иштери улантылып жатат, башка маалымат жок", — деди Сулайманов.
Милициянын билдирүүсү боюнча 25-июнь күнү саат 16.25те Киев жана Исанов көчөлөрүнүн кесилишинде издөөгө алынган Казакстандын 1991 жана 1988-жылдары туулган эки жараны кайда экени аныкталган.
Кармоо учурунда анын бири курал колдонуп, экинчиси гранатаны жардырам деп коркутуп, билгисиз тарапка из суутуп келишкен. Шаар боюнча кармоо планы жарыяланган.
Буга чейин укук коргоо органдары жарандар кармалганын билдирип, бирок кечирээк УКМКнын расмий өкүлү Рахат Сулайманов бул маалыматты четке кагып, издөө иштери улантылып жатканын кабарлаган.
Жаза аткаруу мамлекеттик кызматынын маалыматы боюнча КРде кесилип кеткен Казакстандын жарандары апрель айында колониядан качып чыгышкан.
