БИШКЕК, 21-июнь – Sputnik. Окумуштуулар тирүү жандыкта Жердин магниттик талаасын тапкыч бар экенин биринчи жолу аныкташты деп билдирет РИА Новости eLife журналына таянуу менен.
Техас университетинин (АКШ) окумуштуулары менен инженерлери Caenorhabditis elegans деп аталган кенедей курттун мээсинде Жер шарынын магниттик талаасын тапкыч бар экенин биринчи жолу аныкташты. Жандыктардын аталган түрү узундугу 1 миллиметрге жеткен, эркин жашоочу тегерек курт – нематода болуп эсептелет. Изилдөөчүлөр атайын жабдуунун жардамы менен курттун тегерегиндеги магнит талаасын ченөө учурунда анда магнитти сезе турган жөндөм бар экенин табышкан.
Курттун жер алдында навигатор катары пайдалануучу өтө кичине, телевизордун антеннасына окшош келген нейрондук бөлүгү магнит талаасын сезет экен.
