БИШКЕК, 21-июнь — Sputnik. Кыргызстанда учурда 79 гектар жерде 481 даана түрдүү типтеги күнөскана курулуп, ишке киргизилди. Бул туурасында Айыл жана суу чарба министрлигинин басма сөз кызматы билдирет.
"Жакын арада ар түрдүү типтеги дагы 167 күнөскана куруу пландалууда. Негизинен күнөсканаларда помидор, бадыраң, башка жашылчалар жана алардын көчөттөрү өстүрүлүп жатат", — деп билдирди маалымат кызматы.
Айыл жана суу чарба министрлиги күнөсканаларды өнүктүрүүнү айыл чарбачылыгындагы башкы багыттардын бири катары баалап, аны жайылтууну пландап жатат.
