БИШКЕК, 13-июнь — Sputnik. Аскерлердин кызмат учурунда өз өмүрүнө кол салуусунун алдын алуу боюнча тийиштүү аракеттер көрүлүп жатканын КР Куралдуу Күчтөрүнүн Башкы штабынан билдиришти.
15 Бештин айы 2014, 17:11
Аскер кошуундары менен бөлүктөрүнүн командирлери, республикалык жоокерлер энелери комитети, диний уюмдардын өкүлдөрүнүн катышуусунда өлкөнүн түштүк аймагында "Өздүк курамдын арасында өлүмдүн жана жаракат алуулардын алдын алуу, ошондой эле аскер кызматчыларынын кызмат кылуусу үчүн коопсуз шарттарды түзүү" темасында иш-чара өткөрүлүп, талкуулар уюштурулду.
КР Куралдуу Күчтөрүнүн Башкы штабы өздүк курамдын арасында өлүмдүн жана жаракат алуулардын алдын алуу, ошондой эле аскер кызматчыларынын кызмат кылуусу үчүн коопсуз шарттарды түзүү боюнча иштерди күчөтүүдө.
Мындай иш-чараларды республиканын бардык аймактарында уюштуруу пландалган.
