БИШКЕК, 9-июнь — Sputnik. Техникага командаларды мээ бере турган "мээ-компьютер" интерфейсин түзүү аягына чыкты деп билдирет РИА Новости Россиянын келечектүү изилдөөлөр фондуна (КИФ) таянуу менен.
КИФтин башчысы Андрей Григорьев белгилегендей, жакынкы арада мамлекеттик органдар окумуштуулардын инновациялык табылгаларын иш жүзүндө пайдаланышмакчы.
"Россиянын аткаруу бийлик органдарынан иштелмени тез арада аларга берүү жөнүндө сурамдар келип түштү", — деп бөлүштү Григорьев.
Азыр, КИФтин жетекчисинин маалыматы боюнча, фонд долбоорду тапшырууга байланыштуу документтер менен алектенүүдө.
Мурдараак фонддун кызматкерлери Россиянын президенти Владимир Путинге роботту ойдун күчү менен башкаруу мүмкүнчүлүгүн көрсөтүшкөн. Интерфейстин принциби мээнин электрондук импульстарын компьютер илип алып роботко сигнал беришинде жатат.
