БИШКЕК, 9 июнь — Sputnik. Чек арачылар Кадамжайда түстүү металл аткезчилигинин жолун буушканын Мамлекеттик чек ара кызматы билдирди.
8-июнь күнү Баткендин Кадамжай районундагы Достук калктуу пунктунан Айдаркен чек ара бөлүгүнүн жоокерлери мыйзамсыз ташылып бара жаткан жүктү кармашты.
Марказ айылынын тургуну Өзбекстандан Кыргызстанга көзөмөл пунктунан тыш жалпы салмагы 250 килограммдык түстүү металл алып кирүүгө аракет кылган.
Алдын ала маалымат боюнча жүктүн жалпы наркы 60 миң сомду түзөт.
Кармалган адам жана контрабандалык жүк Мамлекеттик бажы кызматына өткөрүлдү.
