БИШКЕК, 6 июнь — Sputnik. Кыргызстандын аз камсыз болгон жана көп балалуу үйбүлөлөрдүн балдары, ошондой эле ата-энесинин кароосунан ажыраган жеткинчектер 29-майдан 3-июнга чейин Москва шаарында балдарды коргоонун эл аралык күнүнө карата уюштурулган майрамга катышып келишти.
Балдар Москвага Россиялык балдар фондунун чакыруусу менен барышканын, иш-чара элчиликтин колдоосу менен уштурулганын КР элчилигинин өкүлү Айымкан Кулукеева билдирди.
Маалыматка ылайык, балдарга "Кай жана Герданын тарыхы" аттуу опера көрсөтүлүп, балдар фондунун төрагасы, жазуучу Альберт Лиханов РФ президенти Владимир Путиндин куттуктоосун окуп берди.
"Майрамдын алкагында кичинекей кыргызстандыктар Кремлде, Улуу Ата Мекендик согуштун борбордук музейинде, планетарийде, зоопарк, Царицыно коругунда, Кызыл Аянтта болушту", — дейт Кулукеева.
Ар бир балага кызыктуу китеп-журналдар жана таттуу шириндиктер берилди.
Фонд программаны 1-июнга чейин түзгөн, бирок элчиликтин өкүлдөрү уюм менен биргеликте көптөгөн маданий иш-чараларды уюштуруу менен балдардын майрамын дагы эки күнгө созуп беришкен.
