БИШКЕК, 5-июнь — Sputnik. Кыргызстандын премьер-министри Темир Сариев үч эм төрөгөн келинге бардык керектүү жардам көрсөтүү үчүн өкмөт аппаратына жана Социалдык өнүктүрүү министрлигине тапшырма берди.
Учурда бериле турган жардамдын көлөмү аныкталууда деп өкмөттүн маалымат кызматы билдирди.
"Кыргызстандын байлыгы — анын эли. Элге кам көрүү — биздин башкы милдет. Өкмөт бул үй-бүлөгө керектүү жардам берип, балдарды тарбиялоодо колдоо көрсөтөт", — деди Сариев.
Бактыгүл Камчыбек кызы уулун Хабибулла, кыздарын Ханифа жана Хабиба деп атай турганын маалымдаган.
Эскерте кетсек, апрель айында Нурлан Зарнаев жана Гүлайым Абдылдаеванын үйүндө төрт эм төрөлгөн. Анда президент Алмазбек Атамбаевдин жарлыгы менен үй-бүлөгө квартира бөлүп берүүгө убада кылынган. Ал эми ошол кездеги премьер-министр Жоомарт Оторбаев 300 миң сом өлчөмүндө жардам берген.
