БИШКЕК, 5 июнь — Sputnik. Парус спорту боюнча КР чемпионаты Ысык-Көлдө өтөрүн Мамлекеттик дене тарбия жана спорт комитетинин маалымат кызматы билдирди.
Чемпионат Балыкчы шаарындагы спорттун суу түрлөрү боюнча олимпиада резервинин спорт мектебинде 21-28-июнь күндөрү өтөт. Мелдеш спорттук чеберчиликти арттыруу жана парус спортун жайылтуу максатында өткөрүлүүдө. Анын жыйынтыгы менен Кыргызстандын курама командалары түзүлөт.
Аталган спорттук мелдешке башка мамлекеттердин, облустардын, шаар жана спорт уюмдарынын командалары катыша алат.
