БИШКЕК, 4-июнь — Sputnik. Dawn зонду тарабынан берилген жаңы маалыматтар Чурюмов-Герасименко кометасындагы бөтөнчө көрүнүштөр жөнүндө кабарлайт — космос телосун электрондордун H2O молекулалары кармаган нык булуту курчап тургандыгын Astronomy & Astrophysics журналына таянуу менен РИА Новости билдирет.
"Ачылыш бизди абдан таң калтырды. Көрүнүш кометага жакын аралыкта гана байкалат, аны Жерден эң кубаттуу телескоптун жардамы менен да көрө албайсың. Бул ачылыш кометалар жөнүндө бардык түшүнүктөрдү алмаштырды", —дейт Сан-Антонионун (АКШ) Түштүк-Батыш изилдөө институтунун окумуштуусу Алан Стерн.
Чурюмов-Герасименко кометасын 10 айдан бери изилдеп жаткан изилдөөчү Alice кызгылт көк спектрографтын жана "Розетта" зондунун башка жабдууларынын жардамы аркасында суунун түзүмүнүн бузулушуна асман телосунун ядросун курчап туруучу өтө күчтүү электрондор таасир кылып жатканы айкын болду.
Изилдөөчүлөрдүн божомолунда кометанын "электр калканычы" ал күнгө жакындаган сайын күч алып турат.
