БИШКЕК, 2-июнь — Sputnik. Кыргызстандан келген мигранттар баарынан аз мыйзам бузушат деп билдиришти Хабаровск Ички иштер министрлигинин башкармалыгынан.
"Замандаш" ассоциациясынын маалымат кызматынан Хабаровск крайынын ардактуу консулу Кадырбек Мырзабаев Хабаровскидеги аталган түзүмдүн жетекчилиги менен жолуккандыгын билдирди. Жолугушууда Кыргызстандан келген мигранттардын абалы туурасында сөз болду.
Тараптар Хабаровск аймагындагы мекендештерге укуктук, маалыматтык жактан жардам көрсөтүү боюнча макулдашты.
"Ардактуу консулдун кат түрүндө жазылган бардык кайрылуулары ИИМдин башкармалыгынын жетекчисине берилди. Ал документтердин бардыгы каралып чыгып, кайрылгандарга өз учурунда жардам көрсөтүлө тургандыгына ынандырды", — деп билдиришти "Замандаштан".
Хабаровскинин ИИМинин башкармалыгынан ар түрдүү мамлкекеттерден келген мигрантатрдын арасынан кыргызстандыктар мыйзамды көп бузбагандардын катарына кирээрин айтышты.
