Бишкек шаардык ИИББдин маалымат кызматынан билдиришкендей, 29-майдан 30-майга караган түнү бүтүрүүчүлөрдүн коопсуздугун камсыз кылуу үчүн милиция кызматкерлери тарабынан рейд жүргүзүлгөн.
"Милиция кызматкерлери ыкчам маалыматты текшерүү үчүн же, уруксат кагазы менен көңүл ачуучу жайларга кире алат", — деп билдирди шаардык ИИББдин маалымат кызматы.
Бишкек шаардык ИИББ буга чейин билдиргендей, акыркы коңгуроону белгилөө күнү коомдук тартипти сактоо үчүн 500дөй милиция тартылган.
Клубдун администрациянан билдиришкендей, милиция кызматкерлеринин кирүүсүнө тоскоолдук болгон эмес.
"Жетекчиликтен уруксат алыш үчүн "күтүп тургула" деген өтүнүчкө алар жинденишсе керек", — деди клубдун өкүлү.
Билим берүү министрлиги окуучулардын коопсуздугун коргоо үчүн жалпы билим берүү мекемелеринде майрам уюштурууга тыюу салган.
