БИШКЕК, 28-май – Sputnik. Улуу Ата Мекендик согуштун катышуучусу, Кыргыз Эл акыны, Токтогул атындагы мамлекеттик сыйлыктын ээси Сооронбай Жусуевдин 90 жылдык мааракеси Токтогул Сатылганов атындагы улуттук филармонияда коомчулуктун катышуусу менен белгиленди.
Президентинин аппараттын жетекчиси Нарынбаев юбилярга призидент Алмазбек Атамбаевин атынан 500 миң сом тапшырып, куттуктоосун окуду.
Атамбаев Кыргыз Эл акынын кутман курак менен куттуктап, анын чыгармачылыгы калың кыргыз журтчулугунун элегинен өтүп, өз ордун тапканын белгилейт.
"Кыргыз журтчулугу Сизди көркөм сөз чебери, кыргыз поэзиясында өзүнүн татыктуу орду бар белдүү жазуучулардын бири катары билет. Чыгармаларыңыздын өз окурмандарын табышы – түйшүктүү чыгармачылыгыңыздын жемиши. Дүйнөгө таанымал акындардын эмгектерин кыргыз окурмандарына тартуулап, элибиздин руханий жана маданий дүйнөсүн байытууга олуттуу салым коштуңуз", — деп айтылат куттуктоодо.
Кыргыз Эл Баатыры Сооронбай Жусуев 1925-жылы 15-майда Кара-Кулжа районундагы Алай-Куу өрөөнүндө жайгашкан Кызыл-Жар кыштагында туулган. 18 жашында армияга алынып, Панфилов атындагы 8-гвардиялык дивизияда байланышчы болуп кызмат өтөгөн.
