Индияда күндүн ысыгы 1,4 миңге жакын адамды өлүмгө дуушар кылды

© AFP / MONEY SHARMAИндиялык ыктыярчылар Нью-Дели шаарында муздак сууну таратып жаткан кези. Архив
Индиялык ыктыярчылар Нью-Дели шаарында муздак сууну таратып жаткан кези. Архив - Sputnik Кыргызстан
Жазылуу
Андхра Прадеш штатына караштуу Жангамешварапурама шаарында термометрдин мамычасы 47 градуска көтөрүлдү. Телангана штатында болсо күндүн ысыгы 46 градуска жетти.

БИШКЕК, 28-май — Sputnik. Күндүн ысык аптабынан Индиянын түштүгүндө 1 миң 390 адам каза болду деп билдирет РИА Новости IANS агенттигине таянуу менен.

Какшыган күндүн ысыгы Андхра Прадеш штатында 1 миң 24 адамдын өмүрүн алып кетти. Телангана да 366 тургун көз жумду.

Бишкек шаарындагы негизги таштанды жайда өрт чыкты
Термометрдин мамычасы баарынан жогору Андхра Прадеш штатына караштуу Жангамешварапурама шаарында көтөрүлүп, ал 47 градуска жетти. Телангана штатында болсо күндүн ысыгы 46 градус болду.

Индиялык метеорологдор Теланганын башка аймактарында жана Андхра Прадеш штатынын түндүк бөлүгүндө температуранын төмөндөшү — убактылуу гана көрүнүш экенин, бул аймактарда күндүн ысыгы жок дегенде дагы эки күн сакталып турарын эскертишти.

Жазгы аптап Индия үчүн кадыресе көрүнүш. Адатта куйкалаган ысыктын артынан нөшөрлөгөн жаан-чачын келет.

Жаңылыктар түрмөгү
0