БИШКЕК, 28-май — Sputnik. Бишкек шаарынын Тунгуч кичи районундагы тогуз кабаттуу үйдүн чатырынан биринчи кабаттагы вентиляциялык шахтага кулаган баланы куткаруучулар сактап калышканын Өзгөчө кырдаалдар министрлигинин маалымат кызматы билдирди.
Аталган окуя 27-майда кечки саат алты жарымдар чамасында болгон. Окуя болгон жерге Бишкек шаардык Куткаруу кызматынын куткаруучулары барып, вентиляциялык шахтадан жабыркаган 10 жаштагы баланы чыгарып, тез жардам кызматкерлерине өткөрүп беришкен.
