БИШКЕК, 26-май — Sputnik. Кыргызстандын мамлекеттик карызы жыл башынан бери 94 миллион долларга кыскарганын Каржы министрлиги билдирет.
2014-жылдын 31-декабрына карата мамлекеттик карызы 3,647 миллиард доллар болуп, ошол эле жылдагы ички дүң жүгүртүүнүн 54,1 пайызын түзгөн. Анын ичинен тышкы карыз 3,437 миллиард доллар, ички карыз 209,9 миллион доллар болчу.
2015-жылдын март айынын аягында Кыргызстандын мамлекеттик карызы 3,553 миллиард долларды түзүп, жыл аягындагы көрсөткүчкө караганда 94 миллион долларга кыскарган. Ошентип ал 2015-жылга карата алдын ала болжолгон ички дүң жүгүртүүнүн 54,1 пайызын түзгөн. Бул суммадан 20,8 миллион доллар, же ички дүң жүгүртүүнүн 3 пайызы ички карызга кирет. Ал эми тышкы карыздын көлөмү учурда 3,345 миллион доллар.
Республика Кытайдын Экспорттук-импорттук банкына баарынан көп карыз. Эки тараптуу жеңилдетилген насыянын алкагындагы аталган банкка болгон карыздын көлөмү 1,106 миллиард долларды түзөт.
Кыргызстандын тышкы карызы туурасында Sputnik инфографикасынан караңыз>>
