Салыкчыларга карата козголгон кылмыш иш токтотулду

Жазылуу
Ысык-Ата салык башкармалыгынын айыпталуучу кызматкерлери кылмыш ишиндеги далилдердин жетишсиздигинен жоопкерчиликтен бошотулду.

БИШКЕК, 26-май — Sputnik. Өткөн жана үстүбүздөгү жылдын төрт ай аралыгында салык органдарынын 11 кызматкерине карата козголгон кылмыш иши токтотулганын Мамлекеттик салык кызматы билдирет. 

Кишен. Архив - Sputnik Кыргызстан
Салык инспекциясынын кызматкери пара алып жаткан жеринен кармалды
Маалыматка ылайык, анын жетөө кылмыш ишинин жоктугуна байланыштуу, ал эми төртөө далилдин жетишсиздигинен жабылган.

Кылмыш иштер кызматтык абалынан кыянаттык менен пайдалануу, жарандардан акча талап кылуу беренелеринин негизинде Ысык-Ата райондук башкармалыктын беш кызматкерине, Ош, Баткен шаарларынын, Ленин, Биринчи Май, Октябрь жана Жайыл райондорунун салык органдарынын кызматкерлерине карата козголгон.

Аталган кылмыш иштери сотко өткөндөн кийин айыпталуучулардын аракеттеринде кылмыш белгисинин жоктугунан жана тергөө учурундагы такталбаган фактылар менен жетишсиз далилдерден улам токтотулган.

Жаңылыктар түрмөгү
0