Премьер-министр Темир Сариев Бишкек шаарынын чиновниктери менен көчөлөрдү оңдоп-түзөө иштери менен таанышты. Ал Аламүдүн-1 кичирайонундагы Мухтар Ауэзов көчөсүн оңдоо иштерине 11 күн кеч жабылгандыгы, ишти өз учурунда аткарбагандыгы үчүн борбор калаанын вице-мэри Бакыт Дүйшембиевге ачууланды.
"Силер ишти 10-майга чейин бүтүрүшүңөр керек эле, а бүгүн 21-май! Мына, силерде адаттагыдай эле миллион шылтооңор даяр", — деди өкмөт башчысы.
Сариев көчөлөрдөгү оңдоп-түзөө иштерин жума сайын көзөмөлдөөго убада кылган.
