БИШКЕК, 23-май — Sputnik. Кыргызстандын футбол боюнча кыз-келиндер курама командасы (U-19) Бахрейн мамлетинде сегиз күндүк даярдык көрүү үчүн учуп кеткенин Футбол федерациясынан билдиришти.
Даярдык көрүүнүн алкагында КРдин командасы Бахрейндин курама командасы менен эки жолдоштук матч өткөрүүсү күтүлүүдө.
Алгачкы жолдоштук матч жума күнү, 22-майда Al Ahib стадионунда өткөн.
"Биздин Футбол федерациясынын жардамы аркылуу жакшы рейтингдин көрсөткүчү бар команда менен беттешкенибизге кубанычтабыз. Бул беттештер Азия чемпионатынын (U-19) тандоо оюндарына даярдык көрүү үчүн биринчи тепкич болуп саналат. Бул оюндар аркылуу биз биринчи жолу чет жакта эл арлык жолдоштук матчтарга катышып аткан жаш оюнчулардын дараметин көрө алабыз", — деди КРдин футбол боюнча кыз-келиндер курама командасынын башкы машыктыруучусу Гүлбара Уматалиева.
Ал ошондой эле, тажрыйбалуу оюнчулар өздөрүнүн өнөктөштөрүн колдойт деген ишеничтебиз деген пикирин билдирди.
