БИШКЕК, 22-май — Sputnik. Акыркы 12 жылда жаратылыш кырсыгынан жабыр тарткан сегиз миңден ашык киши мамлекеттин жардамын албай калганын Өзгөчө кырдаалдар министри Кубатбек Боронов өкмөттүн жыйынында билдирди.
Өкмөттүн жыйынында жаан-чачындуу учурда боло турчу өзгөчө кырдаалдардын алдын алуу маселеси да талкууланды.
"Ссудаларды төлөө кечигип жатканы маселе жаратууда. Жалпысынан 30 миңден ашык киши жабыркаса, анын 8,4 миңи мамлекет тарабынан берилген жардамды албай калышкан. Сертификаты болгондорго 50 миң сомдон бөлүп бердик, бирок жашоочулар дагы 150 миң сомдон талап кылышууда", — деди Боронов.
Премьер-министр Темир Сариев жардам мыйзамдын негизинде гана берилиши керектигин баса белгиледи.
