БИШКЕК, 22-май — Sputnik. Райондун акимдери табигый кырсык учурларында жана алардан кийинки мезгилде тойлоп жүрбөшү керек деди премьер-министр Темир Сариев өкмөттүн отурумунда.
Отурумда жазгы суу кирип, сел жүрүп турган мезгилде өзгөчө кырдаалдардын алдын алуу маселеси каралды.
"Чынында эле табигый кырсыкпы же жөн гана бирөөнүн шалаакылыгыбы, губернаторлор текшериши керек. Мындай окуялар учурунда акимдер иштеп жатабы же тойлоп жүрүшөбү, муну да текшерүү керек. Мындай талаптарды койбосок, тартип болбойт", — деди Сариев
Өкмөт башчысы жергиликтүү өз алдынча башкаруу органдары тарабынан мындай мамилелер болуп жатканы аныкталса, аларга карата чара көрүлө турганын баса белгиледи.
