БИШКЕК, 22-май — Sputnik. Казакстан президенти Нурсултан Назарбаев бардык өлкөлөрдүн улуттук кызыкчылыктары үчүн иштей турган, бирдиктүү эрежелер кабыл алынган Евразиялык экономикалык мейкиндик түзүүнү сунуштады.
Казакстандын президенти бул пикирин Астана экономикалык форумунда сүйлөгөн сөзүндө билдирди.
"Мен Евразиялык экономикалык мейкиндик түзүүнү сунуш кылам. Ал бардык өлкөлөрдүн улуттук кызыкчылыктарын кошуп,бирдиктүү эрежелерди кабыл алып,ошону менен бирге эле, өз ара интеграциялык алакаларды арттырып, жаралган тоскоолдуктарды жоюуга багытталышы зарыл",— деди Назарбаев.
Ал континенттин мындан аркы өнүгүүсү, бардык мүчө өлкөлөрдүн өз ара алака-катышын арттыруу максатында биримдиктин алкагында дайыма иштеп турган аянтча түзүү зарылдыгын кошумчалады.
