БИШКЕК, 20-май — Sputnik. "Ата-Журт" фракциясы Кыргызстандын ЕАЭБге кириши боюнча келишимдерди караган кезексиз жыйын өткөрүүнү чечти.
Буга чейин "Ата-Журт" фракциясынын депутаты Жылдызкан Жолдошова ЕАЭБге кирүү боюнча документтерди кабыл алуу кыйноо аркылуу киргизилип жатат деп эсептээрин айткан. Эгерде КРдин Евразиялык экономикалык биримдикке кирүүсү боюнча документтер топтому кабыл алына турган болсо, Башкы прокуратурага аталган документтин мыйзамдуулугун аныктоо үчүн кайрыла тургандыгын билдирген.
Аталган фракциянын депутаттары отурумдун биринчи танаписинен кийин "регламентти сактап" мыйзам долбоорлорун кароону чечишти.
Өкмөт 18-майда ЖКнын кароосуна аталган документтерди алып келген.
