БИШКЕК, 19-май — Sputnik. Эмгек, миграция жана жаштар министрлиги Кытайдын он жаранына ишкердик жүргүзүү үчүн берилген документтер боюнча тергөө органдары менен кызматташууга даяр экенин алардын маалымат кызматы билдирди.
Буга чейин Башкы прокуратура аталган министрликтин 2014-жылдагы ишмердигин текшерип, Кыргызстанда ишкердик жүргүзүү үчүн Кытайдын он жаранына жасалма патент берилгенин билдирген.
Эмгек, миграция жана жаштар министрлиги аталган кылмыш иши боюнча тергөө органдарына жардам берүүгө даяр экенин мекеменин маалымат кызматы баса белгиледи.
