Дельфи оюндарында Кыргызстан жети медаль утуп алды

Жазылуу
Дельфи оюндары конкурс жана фестивалдарды камтып, ошондой эле, көргөзмө жана искусствонун түрдүү тармактарында презентациялар көрсөтүлөт. Оюндар 1-майдан 6-майга чейин Россиянын Орёл шаарында өткөн.

БИШКЕК, 14-май — Sputnik. Кыргызстан КМШга мүчө мамлекеттердин дельфи оюндарында жети медаль утканын Маданият министрлигинин эл аралык байланыштар бөлүмүнүн адиси Гүлшан Муллакелдиева билдирди.

Оюндар 1-майдан 6-майга чейин Россиянын Орёл шаарында өттү. 10-жолу өткөрүлүп жаткан жаштардын дельфи оюндарына КМШга мүчө мамлекеттердин командалары катышты.

Бул оюндардан Кыргызстан жети медаль менен кайтты:

 

  • Алтын медаль — Марина Клюг, "Кийим дизайны" номинациясы боюнча.
  • Күмүш медаль — "Элдик бий" номинациясы боюнча "Шаттык" хореографиялык ансамбли.
  • Коло медаль — "Адис" вокал-хореографиялык ансамбли, "Заманбап бий" номинация боюнча.
  • Коло медаль — Болотбек кызы Акмөөр, "Эстрадалык ырдоо" номинациясы боюнча.
  • Коло медаль — Давуров Юнус, "Ди-джей" номинациясы боюнча. 
  • Коло медаль — Мадимкулова Чынара, "Цирк" номинациясы боюнча. 
  • Коло медаль — Жумахун кызы Азиза, "Элдик көркөм кол өнөрчүлүк" номинациясы боюнча.

 

Дельфи оюндары конкурс жана фестивалдарды камтып, ошондой эле, көргөзмө жана искусствонун түрдүү тармактарында презентациялар көрсөтүлөт.

Жаңылыктар түрмөгү
0