БИШКЕК, 14-май — Sputnik. Бишкек шаарынын Свердлов РИИБдин 10-башкармалыгы жыл башынан бери сегиз чет элдик жаранды КРде жүрүү тартибин бузгандыгы үчүн өлкөдөн чыгарганын шаардык милициянын маалымат кызматы билдирди.
Жыл башынан бери Бишкек шаарынын Свердлов районунун аймагынан 180 чет элдик жаран текшерүүгө алынып, анын 72си Кыргызстанда жүрүү тартибин бузгандыгы үчүн административдик жоопкерчиликке тартылган, аларга 216 миң сомдук айып пул салынган.
Жоопкерчиликке Кытай менен Түркиянын жарандары эң көп тартылган. Ал эми Өзбекстандын жети жана Түркиянын бир жараны өлкөдөн чыгарылган.
