Баткенде экстремизм жана терроризм боюнча калк арасында түшүндүрүү иштери башталды

© Sputnik / Максим Богодвид / Медиабанкка өтүүИслам. Архив
Ислам. Архив - Sputnik Кыргызстан
Жазылуу
Баткен облусунун аймагында радикалдык диний уюмдарга киргендердин алдын алуу жаатында муфтият өзүнүн багыты боюнча иш чараларды өткөрүп жатат.

БИШКЕК, 11-май — Sputnik. Баткенде облусунун жума намаздар окулуучу мечиттеринде жана эл арасында "Экстремизм жана терроризм ислам эмес" деген теманын алкагында түшүндүрүү иштери башталды.

Баткен облусунун казыятынын маалымат кызматы аталган облустун казысынын милдетин аткаруучу Султанмуратов Пазыл ажы тарабынан бул жаатта имамдарга тапшырма берилгендигин маалымдады.

"Жума намаздары окулуучу мечиттерде бирдиктүү хутбага кошумча "экстремизм жана терроризм — бул ислам эмес" деген темада түшүндүрүү иштерин жүргүзүүнү тапшырды", — деп билдирди маалымат кызматы.

Сирия синдрому кыргыз коомчулугун да түйшөлтүүдө
ИИМдин 10-Башкы башкармалыгы жергиликтүү ички иштер органдары менен биргеликте экстремисттик ишмердүүлүктүн алдын алуу боюнча ыкчам-иликтөө жана түшүндүрүү иштерин жүргүзгөн. 

ИИМдин аталган бөлүмүнүн маалыматында кызыл-Кыя шаарынан Сирияга жалданмачылык менен кеткен 12 адам кеткендиги анылкталган. Алардын ичинен 3өө аял кишилер, ал эми экөө аял-күйөөсү болгон. 

Мындай жагдайлардан улам, элдин арасында Сирияга азгырылуунун алдын алуу, карапайым элге ислам деген Сирия эмес экендигин, анын чыныгы исламга тиешеси жоктугун түшүндүрүү зарылдыгы турат.

Жаңылыктар түрмөгү
0