БИШКЕК, 8-май — Sputnik. Бишкек шаарында 18-майдан 22-майга чейин "Манас" кинотеатрында түштүк кореялык кинолордун фестивалы боло турганын Маданият, маалымат жана туризм министрлигинин маалымат кызматы билдирди.
Бул маданий иш чара Түштүк Кореянын Кыргызстандагы элчилигинин жана Кореянын кинематографисттер кеңеши (KOFIC) менен биргеликте корей маданияты-2015 бир айлыгынын алкагында өтүүдө.
Фестивалдын алкагында "Манас" кинотеатрында түштүк кореяда тартылган кинолор бекер көрсөтүлөт.
Көрүүчүлөргө "Линия фронта" (аскерий драма, режиссер Чжанг Хун), Гангстер-шаман" (комедия, мистика, режиссер Жо Чжин Гю), "Воры" (боевик, криминал, режиссер Чхве Дон Хун) жана "Зеленые дни" (мультфильм, драма, режиссер Ан Чже Хун) тасмалары көрсөтүлөт.
