БИШКЕК, 8-май — Sputnik. Кыргызстана жеңил өнөр жайы Евразиялык экономикалык биримдикке кошулууга толук даяр деп билдирди "Легпром" ассоциациясынын директору Фархад Төлөгөнов.
КРдин тигүүчүлөрү 2015-жылдын I чейрегинде былтыркы жылдын ушул мезгилине караганда 50,4 пайызга кем товар өндүрүштү деп айтылат Улуттук статистикалык комитеттин отчётунда.
Быйыл тигүүчүлүктөн чыккан өндүрүм 207 миллион сомду түздү. 2014-жылдын январь — март аралыгында бул сан жарым миллион сомго жеткен эле.
"Үстүртөн санаганда эле контрафакт экспорттолуп жаткан продукциянын 30 пайызга жакынын түзүүдө. Ал Кыргызстан менен Казакстан аркылуу Россияга кетип жатат", — дейт Төлөгөнов.
Ал белгилегендей, өлкө биримдикке кошулгандан кийин КРде өндүрүлүп жаткан товардын баасы 15 пайызга көтөрүлө тургандыктан,контрафакттык продукциянын да саны өсүшү ыктымал.
"Биз баанын өсүүшүнө эч таасир кыла албайбыз, анткени импортко карата бажы төлөмү көтөрүлөт. Бирок көпчүлүк ишкерлер кездеме, фурнитура жана башка кошумча материалдарды алдына ала дүң сатып алуу менен баанын кескин эмес, жай-баракат өсүшүнө даярданышкан", — деп кошумчалады Төлөгөнов.
2015-жылдын 9-майында өлкөнүн ЕАЭБге кирүүсү күтүлүүдө. Мурдараак 2014-жылдын апрелинде Россия, Белоруссия жана Казакстан Астанада ЕАЭБ түзүү жөнүндө келишимге кол коюп, ал 2015-жылдын 1-январында күчүнө кирген. Биримдикке үстүбүздөгү жылдын башында Армения да кошулган.
