БИШКЕК, 8-май — Sputnik. Россиянын Волоколамск шаарында бейшемби күнү Советтер Союзунун баатыры Дүйшөнкул Шопоковдун эстелигин ачууга өлкө башчы Алмазбек Атамбаев катышканын президенттин маалымат кызматы билдирди.
Айкелди ачуу салтанатына КР президентинен тышкары Россиядагы кыргыз диаспораларынын өкүлдөрү, жергиликтүү бийлик өкүлдөрү жана ардегерлер катышты.
Бейшемби күнү өлкө башкы Москва шаарына учуп келип, андан ары Волоколамск шаарына жол алган.
Буга чейин Волоколамск шаарында Иван Панфилов менен казакстандык Бауржан Момуш уулунун эстелиги орнотулган.
Панфилов 1920-жылдан 1938-жылга чейин Кыргыз ССРинин аскердик комиссары болгон. Анын ысымы өзүнүн дивизиясына берилип, ушундай эле наам Панфилов дивизиясынын 28 аскерине да ыйгарылган, анын ичинде Дүйшөнкул Шопоков баштаган кыргызстандык жоокерлер бар болчу.
Дүйшөнкул Шопоков 1916-жылы Чүй областына караштуу Шалта айылында карапайым үй-бүлөдө туулган. Ал 1941-жылы кызмат өтөш үчүн Кызыл армиянын катарына чакырылып, ошол эле жылы согуш талаасында душмандарга каршы күрөштө курман болгон.
