БИШКЕК, 7-май — Sputnik. Энергетикалык ишканалар өздөрүнүн чыгашасы менен кирешесин эсептеп чыкканын Отун-энергетикалык комплексти жөнгө салуу боюнча мамлекеттик департаментинин башчысы Нурбек Элебаев маалымат жыйынында билдирди.
Анын айтымында, Энергетикалык ишканалардын өкүлдөрү чыгымдар боюнча планын 26 миллиард сом экендигин билдирип, муну менен эле киреше 17,65 миллиард деп көрсөткөн. Мындай жагдайда таңкыстык 8,5 миллиард сомду түздү.
"Бул таңкыстык өздөрүнүн чыгымдарын жабууга багытталышы керек", — деп айтты ал.
Электр кубатынын таңкыстыгы, чыгаша Токтогул суу сактагычындагы суунун аздыгынан улам болууда. Маселен, апрелдин башында суу көлөмү 12 миллиард кубметр деген план туура эмес чыгып, иш жүзүндө 9 миллиард кубметрди түзүп, өзүн актабай калды.
