БИШКЕК, 7-май — Sputnik. Президент Алмазбек Атамбаев бейшемби күнү жумушчу сапары менен Москва шаарына учуп кетти. 8-майда Кыргызстандын Евразиялык экономикалык биримдикке кирүү жөнүндөгү протоколго кол коюу салтанаты өтөт.
Атамбаев ошондой эле, КМШ мамлекеттеринин башчыларынын бейрасмий жолугушуусуна жана Евразиялык жогорку экономикалык кеңешинин жыйынына катышат. Андан сырткары Улуу Жеңиштин 70 жылдыгына арналган майрамдык салтанатка барат.
Делегациянын курамына киргендер:
- Президент — Алмазбек Атамбаев;
- КР тышкы иштер министри — Эрлан Абдылдаев;
- КР президентинин аппаратынын тышкы саясат бөлүмүнүн башчысы — Сапар Исаков;
- КРдин Россиядагы элчиси — Болот Джунусов;
- КР вице-премьер-министри — Валерий Диль;
- КР экономики министри — Олег Панкратов;
- Мамлекеттик бажы кызматынын төрагасы — Адамкул Жунусов;
- Өкмөттүн Чүй облусу боюнча ыйгарым укуктуу өкүлү — Канатбек Исаев.
9-майда Кыргызстандын ЕАЭБке кирүүсү күтүлүп жатат. Буга чейин Россия, Казакстан жана Белоруссия 2014-жылдын май айында Астана шаарында ЕАЭБди түзүү жөнүндө келишимге кол койгон. Ал 2015-жылдын 1-январынан тарта күчүнө кирген. Армения да жыл башында аталган уюмга мүчө болгон болчу.
