БИШКЕК, 6-май — Sputnik. Коррупцияга каршы күрөшүү кызматы 206 миллион сомдук салык төлөнбөгөн учурда аныктаганын Улуттук коопсуздук боюнча мамлекеттик кызматтын маалымат кызматы билдирди.
Текшерүү учурунда "Леско" ЖЧКсынын ири көлөмдөгү салык төлөбөгөнү аныкталган.
"КРдин салык мыйзамын сактоо боюнча жүргүзүлгөн текшерүүнүн жыйынтыгында, Биринчи Май райондук мамлекеттик салык кызматы салык төлөө 206 миллион сомго азайганын аныктаган", — деп айтылат маалымат кызматы тараткан билдирүүдө.
Аталган факты боюнча салык төлөөдөн качуу беренеси боюнча кылмыш иши козголду. Иликтөө иштери жүрүүдө.
