БИШКЕК, 1-май — Sputnik. Мамлекет башчысы куттуктоосунда бул күн — жаратман эмгеги менен өз үй-бүлөсүнүн, айылынын жана өлкөсүнүн өркөнүн өстүрүүнүн майрамы экенин белгилейт.
"Быйылкы улуттук экономиканы чыңдоо жылында ар бирибиз "өз үй-бүлөмө, Кыргызстаныма кандай салым коштум?" деп суроо коелу. Соңку жылдары өз турмушун жакшыртып, өлкөсү үчүн жан үрөгөн жаратман муун өсүп келатканы кубандырат", — деп айтылат президенттин куттуктоосунда.
Өлкө башчы ошондой эле, кыргызстандыктарга үй-бүлөлүк бакыт, бейпил турмуш, бакубат жашоо каалаган.
1-май – жаздын жана эмгектин майрамы катары дүйнөнүн 142 өлкөсүндө белгиленет. Аталган датанын пайда болушу жумушчулар кыймылынынXIX кылымдын ортосунда сегиз сааттык жумуш күнүн талап кылган жүрүштөрүнөн улам пайда болгон. Алгач мындай талап менен Австралиянын жумушчулары 1856-жылдын 21-апрелинде чыккан, кийин аларга АКШнын Канаданын жумушчулары кошуган.
