БИШКЕК, 26-апр. — Sputnik. Дүйшөмбү күнү Балдарга жасалган зомбулуктун күчөп кетишин жана балдарды зордуктагандарга карата сот адилеттигин камсыз кылууга багытталган Кылмыш жана Кылмыш-жазык кодекстерине түзөтүүлөрдү киргизүүнү талкууланат. Бул туурасында ЖКнын маалымат кызматы билдирди.
"2015-жылдын январь айында башкалаадагы № 3 балдар ооруканасына сексуалдык зордуктан жабыркаган, 2 жаштан 8 жашка чейинки 5 бала келип түшкөн. 2014-жылы жашы жете элек жеткинчектерге карата сексуалдык мүнөздөгү 140 кылмыш катталган", — деп айтылат таратылган билдирүүдө.
Талкуу Жогорку Кеңештин депутаты Наталья Никитенко жетектеген Адам укуктары, конституциялык мыйзамдуулук жана мамлекеттик түзүлүш боюнча комитетинин КР мыйзамдарына өзгөртүү киргизүү боюнча демилгесинин алкагында, "Балдарга каршы зомбулукту токтот" аттуу долбоордун өнөктөштөрүнүн колдоосу менен өтмөкчү.
Ага ЖК депутаттары, өкмөттүн, ИИМдин, Башкы прокуратуранын, Жогорку Соттун алдындагы Сот департаментинин, Бишкектеги №3 балдар ооруканасынын жана бир катар эл аралык уюмдардын өкүлдөрү катышат.
