БИШКЕК, 26-апр. — Sputnik. Казакстанда президенттик шайлоо башталды. Ага азыркы мамлекет башчы, "Нур Отан" партиясы көрсөткөн талапкер Нурсултан Назарбаев, Коммунисттик элдик партиядан Тургун Сыздыков, Кесиптер кошуундар Федерациясынын төрагасы Абелгази Кусаинов катышып жатышат.
Казакстандыктар өлкө лидерин келерки жылы тандашы керек эле, бирок, "коомчулуктун, бир канча уюмдардын өтүнүчү менен" 2016-жылы мөөнөтүнөн мурда шайлоо өтүүдө. Алардын айтымында, буга дүйнөдөгү оор эконономикалык абал себеп болгон.
Казакстандын Борбордук шайлоо комиссиясы (БШК) президентикке талапкер болгон жогорудагы үч талапкерин каттоодон өткөргөн.
Талапкерлердин бараандуусу Назарбаев Казакстанды 1991-жылдан, өлкө эгемендүүлүк алгандан тарта башкарып келе жатат. Бул анын төртүнчү мөөнөтү. Акыркы шайлоо 2011-жылы өтүп, ал шайлоочулардын 95 пайыздан ашык добушун алган.
