БИШКЕК, 21-апр. — Sputnik. Кыргызстан Белоруссияга өз элчисин кайтадан жибере турганын КР тышкы иштер министринин орун басары Аскар Бешимов Sputnik сайтынын кабарчысына билдирди.
Акыркы үч жылдан бери Кыргызстандын Белоруссияда элчиси жок. Аталган мамлекетте акыркы жолу Ишенгүл Болжурова элчи болгон. Учурда Кыргызстандын Минск шаарында убактылуу өкүлү гана бар.
Бешимовдун айтымында, Кыргызстан Евразиялык экономикалык биримдикке кирүүнүн алкаганда Белоруссия менен дипломатиялык байланыштарын калыбына келтирүүгө ниеттенүүдө.
Ошондой эле ал сунушталган талапкерлердин ичинен бирөөнү тандоо үчүн Белоруссиянын бийлигине кайрылуу (талапкерди жактыруу үчүн сурам) жиберилгенин кошумчалады. Бешимов маалыматтын жашыруундугун жүйө келтирип, ТИМ кайсы талапкерди элчи кылып дайындоого ниеттенип жатканын так айткан жок.
