БИШКЕК, 21-апр. — Sputnik. Кыргызстандын авиакомпаниясы Новосибирскиден Бишкекке учууларды баштады деп билдирди компаниянын менеджери Лилия Калыкова.
Анын айтымында, Новосибирскинин эл аралык аэропортунун (Толмачево) жаңы өнөктөшү "Эйр Манас" авиакомпаниясы 19-апрель күнү Бишкек — Новосибирск — Бишкек багыты боюнча алгачкы каттамын жүргүздү.
"Учууларды ар аптанын жекшембисинде Boeing 737-400 учагы аткарат. Бишкектен ал дайыма саат 11.00дө учуп чыгып, ал эми Новосибирскиден артка карай саат 15.00дө жөнөтүлөт", — деди менеджер.
Мындан ары каттамдардын санын жумасына эки жолу жүргүзүү пландалып жатканын авиакомпаниядан белгилешти.
Жол киренин баасы 80-100 доллардын айланасында болорун компаниянын менеджери кошумчалады.
