БИШКЕК, 21-апр. — Sputnik. Акыркы жумаларда доллардын наркы арзандап жаткан, бирок шейшемби күнү анын курсу кайра көтөрүлдү. Коммерциялык банктар долларды дүйшөмбү күнү 60,2 сомдон саткан болсо, бүгүн ал 50 тыйынга кымбаттап, 61,3 сомдон сатылууда.
Акча алмаштыруу жайлары АКШ долларынын баасын 1,2 сомго чейин кымбаттатышты. Азыр акча алмаштыруу жайларына долларды сатуу пайдалуурак: бир катар акча алмаштыруу жайлары долларды 60,8 сомдон сатып алып, аны 61,3 сомдон сатууда.
Ал ортодо Улуттук банк америка доллары менен евронун курсу төмөндөп жатканын билдирүүдө. Ага ылайык, доллар 62,92 сомдон 61,33 сомго чейин арзандаса, евро 2 сомго арзандап, 68,09 сомдон 65,95 сомго чейин түшкөн.
