БИШКЕК, 20-апр. — Sputnik. Өзбекстандын аймагындагы Кыргызстандын Барак эксклавына 15 тонна 700 килограмм минералдык жер семирткич жана 16 тонна 100 килограмм арпа үрөнүн жеткирүү үчүн 19-апрелде Өзгөчө кырдаалдар министрлигинин алты автоунаасы жөнөп кеткенин министрликтин маалымат кызматы билдирди.
ӨКМнын автоунаалары кайтып келе жатканда барактыктардын 51 тонна жүгөрүсүн, 25 баш кара малын, 150 баш коюн, 2354 даана терегин, эки даана тракторун жүктөй келет.
Барак эксклавына аталган жардамды жөнөтүү үчүн КР өкмөтү 2015-жылдын 27-мартында буйрукка кол койгон.
