Бүгүнкү тамагыбыз — күн караманын даны. Аны баарыңар эле билип, көрүп жүрөсүңөр. Семичке чагуу көптөр үчүн адатка айланган, кээде анын кабыгын таштанды салгычка эмес, отурган жерге ыргытуу кадыресе көрүнүш кө айланып бара жатат. Мындан сырткары, аны экрандын алдында отуруп алып сүйүктүү кинолорду көргөндө да эрмектейбиз.
Күн караманын данында кальций менен магний көп, ага кошумча В тобундагы, дагы А, Е жана D витаминдери бар.
Семичке калориялуу азык экенин эстен чыгарбаш керек: азыктандырган заттардын жарымы майлар, алардын кубаты 580 калорийге жетет.
Бишкектеги семичкелердин баасын Sputnik жасаган инфографикадан көрүңүз.
Жалпысынан алганда, эң көп керектелет делген азык-түлүктөрдүн баасы мурдагыдай эле калды, болгону, бадыраң бир аптада 50 сомго түшүп, базарда аны 90 сомго сатып алса болот. Бадыраңдын "жолдошу" помидор баасы 30 сомго көтөрүлүп, бир килосу 130 сомду чапчыды.
