Спикер Жээнбеков жалган маалымат тараткан деп айтып, Капаровду сотко берерин билдирди

Жазылуу
Парламенттин жыйынында оппозициячыл депутат ЖК төрагасынан Ош окуясы учурунда анын курал алып келди деген маалыматка эмнеге унчукпай жаткандыгын сурады.

БИШКЕК, 16-апр. — Sputnik. Депутат Равшан Жээнбеков ЖКнын бүгүнкү жыйынында спикер Асылбек Жээнбековдун 2010-жылдагы Ош окуялары учурунда 170 автомат жана 70 пистолет менен камсыздаган деп айтылган маалыматтарга түшүндүрмө берүүсүн сурады. 

Бул чындыкка дал келбегендигин айткан спикер Асылбек Жээнбеков, жалган маалыматты айткандыгы үчүн Ош облустук жана шаардык ИИБнын мурдагы жетекчиси Абдылда Капаровду сотко берерин ЖК жыйынында билдирип, депутат күбө катары өтө тургандыгын айтты. 

"Шайлоо жакындап калды, кээ бирлери кандай болсо да добуш алып, бийликке келсем дейт. Элдин биримдиги депутаттык, спикерлик, премьерлик креслодон да жогору турат. Жалганчынын сөзүн кайталап сүйлөгөн адам өзү жалганчы, келесоонун сөзүн кайталап сүйлөгөн киши өзү келесоо. Ага көңүл бурбай коёлу десек, эми депутат (Равшан Жээнбеков – ред.) келип сүйлөп жатат. Депутатты күбө кылып, Башкы прокуратурага беребиз эми",— деди спикер Жээнбеков.

Кыргызстандагы оппозиция Жалал-Абад шаарында 11-апрелде курултай өткөрүлүп, ага жогоруда аты аталган Капаров да катышкан. 

Жаңылыктар түрмөгү
0