БИШКЕК, 15-апр. — Sputnik. "Жамаат жетекчинин кетишин талап кылганы кадыресе көрүнүш", — деп эсептейт "ЭлТР" телеканалынын башкы директорунун милдетин актаруучу Максуда Айтиева.
Мурдараак бир катар интернет ЖМКлары "ЭлТР" жамааты кызматкерлердин эмгек акысын төмөндөттү жана ишти билдейт деген себептерди атоо менен, директордун милдетин аткаруучу кызматтан кетишин талап кылып жатканы тууралуу билдиришкен эле.
Айтиеванын сөзүнө караганда, телеканалды реформалоо саясатына жамааттын айрым бөлүгү макул эмес.
"Негизинен талаш-тартыш орун басарым Бейшенбек Бекешевке байланыштуу болуп жатат. Ал өзүнүн автордук долбоорун уюштуруу иштеринде тартип бузууларга жол берген", — дейт башкы директордун милдетин аткаруучу.
Анын көз карашында, тасмага тартуу жана телеобону уюштуруу иштеринин спонсорлорлору талаптагыдай расмий жол-жоболорду аткарбай иштегендиктен, коррупциялык көрүнүштөр бар.
"Бекешевдин жетекчилиги астында иштеп жаткан жамааттын мүчөлөрү менин кызматтан кетишимди талап кылышы толук демократиялык жана кадимки эле боло турган көрүнүш", — деп түшүндүрдү Айтиева.
Өз кезегинде телеканалдын жетекчисинин орун басары Бейшенбек Бекешев директордун кызматтан кетишин талап кылууга анын кесиптик маселелерде иш билбестиги жана команданын жөнгө салынган ишин түшүнүүнү каалабагандыгы себеп болгондугун айтат.
"Реформалардын шылтоосу менен жамааттын так уюшулган ишин бузуу туура эмес деп эсептейм жана кесиптештеримдин директордун кетиши жөнүндө талабын колдойм", — деди Бекешев.
2008-жылы Бейшенбек Бекешев жана Улуттук телерадиокорпорациянын (УТРК) дагы 20 кызматкери башкы директор Мелис Эшимкановду "кызматкерлерге каршы репрессиялар" үчүн айыптап кызматтан кетишин талап кылуу менен, ачкачылык жарыялашкан эле.
Өткөн жылдын августунда "ЖМКлардын Ош ресурстук борбору" коомдук бирикмесин 2006-жылдан бери жетектеп келген Максуда Айтиева президенттин буйругу менен "ЭлТР"телерадио берүү компаниясынны башкы дректорунун милдетин аткаруучу болуп дайындалган.
