БИШКЕК, 14-апр. — Sputnik. Кыргызстанды Инфраструктуралык инвестиция боюнча Азия банкынын (ИИАБ) 37-мүчөсү кылып кабыл алууну уюмга мүчө мамлекеттер бир добуштан жактырышканын КР өкмөтүнүн маалымат кызматы билдирди.
ИИАБ көп тармактуу өнүгүү банкы катары түзүлүп жатат. Ал Азиянын өндүрүш инфраструктурасын өнүктүрүүгө каржылык жактан жардам берүү максатын көздөйт.
Инфраструктуралык инвестиция боюнча Азия банкын түзүү тууралуу сүйлөшүүлөрдүн кийинки жараяны ушул жылдын апрель айынын аягына пландалган.
ИИАБдин артыкчылык берген багыттарынын бири — өнүгүп келе жаткан аймактык мүчөлөрдүн инфраструктурасына инвестиция салуу. Анын ичинен энергетика, транспорт жана телекоммуникация, айыл чарбасы, суу менен камсыздөө, айлана-чөйрөнү коргоо, шаар куруу жана башка өндүрүш тармактарына инвестиция салуу да бар.
