Центерранын жаңы өндүрүш планы кыргыз тарапты туңгуюкка такады

БИШКЕК, 9-апр. – Sputnik. ЖК депутаттарына "Кумтөр" боюнча токтомдордун аткарылышы туурасындагы өкмөт маалымат берип жаткан учурда "Кыргызалтын" ААКтын жетекчиси Токон Мамытов биргелешкен ишкана түзөбүз деген мезгилдеги көрсөткүчтөр өзгөрүп кеткендигин белгиледи.

Анын айтымында, 2012-жылдын соңунда жарыяланган көрсөткүчтөр боюнча учурдагы сүйлөшүүлөр, ошондой эле биргелешкен ишкана түзүү боюнча сүйлөшүүлөр жүрүп жаткан. Андагы эсеп боюнча, келерки 11 жыл ичинде 198 тонна алтын казып алуу планы каралган. 1 унцийдин наркы 1350 доллар, ал эми бул мезгил арасында түшө турган каражат 2 млрд. 200 млн. доллар деп белгиленген.

Экинчи, жакынкы 20-марттагы көрсөткүчтөр дээрлик өзгөрүп кетип, азыр талаштуу жайгдайды жаратып турган чак. Центерранын кенди иштетүү боюнча жаңы планына ылайык, бул көрсөткүчтөр бир кыйла азайган. Өндүрүш көлөмү 151 тонна кыскарып, 1 унций 1300 долларга, ал эми түшө турган таза каражат 1, 5 млрд. долларга түшкөндүгү маалымдаган. 

2014-жылдын февралында парламент акыркы токтомун чыгарып, өкмөт менен канадалык Centerra Gold Inc. компаниясынын ортосунда биргелешкен ишкана түзүү жөнүндө меморандум түзүүнү жактырган. Кумтөр кенин иштетүүнүн жаңы шарттары боюнча "Кыргызалтын" менен Centerra тең үлүштүк шартта биргелешкен ишкана түзүшмөк. Бирок бул маселе азыркы чейин бүтпөй келе жатат.