Жохар Царнаевди Бостондогу терактка күнөөлүү деп табышты

© Sputnik / Филипп Кравцов / Медиабанкка өтүүБостон шаарынын полициясы. Архив
Бостон шаарынын полициясы. Архив - Sputnik Кыргызстан
Жазылуу
АКШнын элдик өкүлдөрдөн турган соту Жохар Царнаевди ага коюлган бардык — төрт адамдын өлүмү, бомба жасоо, массалык жабыр тарттыруучу куралды пайдалануу жана башка кылмыштуу иш-аракеттер жөнүндө беренелер боюнча айыптуу деп тапты.

БИШКЕК, 9-апр. — Sputnik. АКШда элдик өкүлдөрдөн турган сот 2013-жылдын 15-апрелинде Бостондогу жардыруулар үчүн айыпталуучу Жохар Царнаевге анын айыбын тааныган өкүм чыгарды деп билдирет РИА Новости.

АКШнын Бостон шаарындагы террактка айыпталып жаткан кыргызстандык күнөөсүн моюндайт
Царнаевге 30 берене боюнча айып коюлуп, алардын 17си боюнча өлүм жазасы каралган.

Жети эркектен жана беш аялдан турган сот аны төрт адамдын өлүмү, бомба жасоо, массалык жабыр тарттыруучу куралды пайдалангандык, автоунаа уурдагандык жана ок атуучу курал алып жүргөндүк үчүн күнөөлүү деп тапты. Сөт өкүмү дээрлик 12 саат талкууланды.

АКШнын прокуратурасы айыпталуучуга өкүм чыгарыла турган күн белгилене электигин билдирет.

Жаңылыктар түрмөгү
0