БИШКЕК, 9-апр. — Sputnik. Эл аралык валюталык фонд Кыргызстанга өлкөнүн экономикасын бекемдөө үчүн 92,4 миллион доллар бөлүп берет деп билдирди фонддун расмий сайты.
Мурдараак ЭВФ Кыргызстанга 92,4 миллион АКШ долларын (66,6 миллиону атайын карыз алуу укугунда) берүү боюнча үч жылдык макулдашууну бекиткен эле.
13,2 миллион доллар көлөмүндөгү биринчи транш токтоосуз которулуп бериши мүмкүн, ал эми калган бөлүгү программанын аткарылышына жана ар бир жарым жылда ага карата коюлган баага жараша берилет.
"Фонд тарабынан каолдоого алынган жаңы программа макроэкономикалык терс факторлорду кыскартуу боюнча бийликтин күч-аракеттерин колдой турган макроэкономикалык негизди камсыз кылат", — деп айтылат билдирүүдө.
Жагымсыз факторлордун ичинде ЭВФ "амбициялуу инвестициялык программанын" айынан мамлекеттик карыздын көптүгүн жана Евразиялык экономикалык биримдикке кошуулунун алкагында өлкө бийлигинин жасаган аракеттерин атайт.
ЭВФ менен насыя берүүнүн кеңейтилген жол-жоболору каралган үч жылдык макулдашуу аталган маселелерди туруктуу бюджетке жана карыз боюнча туруктуу абалга жетишүүгө өбөлө түзүү, каржы секторунда турктуулукту орнотуу жана экономиканы өнүктүрүү мүмкүнчүлүгүн жогорулатуу үчүн реформаларды колдоо аркылуу чечүүгө багытталат. Бюджеттик стратегия чечүүчү роль ойномокчу.
ЭВФ Улуттук банкка оң пайыздык үстөк кошумдарды анык өлчөмдө сактоо менен инфляцияны ооздуктап турууну кеңеш кылат. Ошондой эле ал акча алмаштуруудагы тренддерге каршылык көрсөтүү аракетинде ашыкча туруксуздукту азайтуу менен өзүнүн валюталык интервенциясын чектеши керек.
