Красноярскиде кыргызстандык кыздардын сулуулук конкурсу өттү

Жазылуу
11 сулуунун ичинен "Кыргыз периси — 2015" титулуна Сибирь федералдык университетинин студенти Айнура Усенбекова ээ болду.

БИШКЕК, 8-апр. — Sputnik. Красноярскиде кыргызстандык кыздардын сулуулук конкурсу өткөнүн "Замандаш" ассоциациясынын маалымат кызматы билдирди.

Бул маданий иш-чара Сибирь федералдык университетинде 5-апрелде өтүп, аны "Манас" студенттер кеңеши" уюштурган.

Конкурстун катышуучулары сулуулугунан тышкары, өзүнүн интеллектуалдык дараметин да көрсөткөнгө аракет кылышты. Ошондой эле улуттук кийимдерди да көрсөтүштү.

Конкурстун финалына 11 сулуу өттү. Калыстардын чечими менен "Кыргыз периси-2015" титулу Айнура Усенбековага ыйгарылды. Ал эми биринчи жана экинчи орундарды Назира Кенжекулова (Сибирь федералдык университетинин юридикалык институтунун студенти) жана Акылай Усманалы кызы (Сибирь федералдык университетинин политехникалык институтунун студенти) ээледи.

Ассоциациянын маалыматына ылайык, Красноярскиде 10 миңдей мекендештерибиз жашайт.

Жаңылыктар түрмөгү
0